Kalsoonidu  waa wax soo saarka ugu qiimaha badan ee uu  soo bandhigo Warfidiyeenku(looga qaateen).Akhristayaasha,daawadaayasha,iyo dhegeytayaasha oo ka aamin baxa saxaafadu waxay horseed u noqotaa fashilaad ku timaada warbaahinta.Hadaba sideebaa suxufigu ama saxaafadu u kasban karaa kalsoonidaas? Jawaabtu waa:
1.Joogtaynta warar lagu kalsoonyahay oon eex lahayn.
2.Wariyaha oo aan had iyo goor isu qaadan in uu sax yahay oo aqbala khaladka degdega gudbinta wararka awgood Warbaahinta Jaraa’idka,shabakadaha,radiha iyo Tvigu aad ayay ugu degdegaan in qiimayn ku sameeyaan macaamiishooda, halka warbaahintu aanay qaadan ama aqbalin marka iyaga la qiimeeyo tayadooda ama kalsoonida warbaahintooda, inta badana waxay muujiyaan diidmo qayaxan haddii loo soo bandhigo arrn iyagoo u haysta in aynu ku qasbanahay in aynu tooda qaadano balse ay ilowsan yihiin in aan lagu qasbanayn in la akhristo,daawado ama la dhegeysto wax soo saarkooda. Ma kugu dhacday in si xun laguugula dhaqmo war baahinta, balse aad garan weydo dariiqadii aad ugu baxi lahayd iyo cidii gefkaa lagaa galay aad kula garnaqsan lahayd. Marar badan sow ma dhacdo in aad dhegeysato,akhrisato ama daawato warar aad ogtahay in uu yahay khalad laga galo qof,bulsho,ganacsi ama hayad.(KAADH KA GUBIS,QARXIN IWM) Mara badan sow uma aynaan soo joogin colad si sahlan loogu huriyo warbaahinta. Markii aanu aragnay arrimaha kor ku xusan iyo qaar aa idinku ku dari doontaanba,waxa lama huraan noqotay asaaska shabakad qaabilsan warbaahinta Soomaalida iyo siday ula jaan qaadi lahayd warbaahinta Dunida iyo Aaladaha Casriga, si ay u soo gudbiyaan warar tayoleh oo dheelitiran.